Almaty memleketik arhıvinde Qazaqstannyń Halyq jazýshysy, aqyn Qadyr Myrza Áliniń 90 jyldyq mereıtoıyna oraı «Qadyr Myrza Áli» qoǵamdyq qorynyń qatysýymen «Adam janynyń sýretkeri Qadyr Myrza Áli» atty eske alý keshi ótti.
İs-sharaǵa Almaty qalasynyń "Qadyr Myrza Áli" qoǵamdyq qorynyń ókilderi men zıaly qaýym, sondaı-aq stýdentter men mektep oqýshylary qatysty.
- Qadyr Myrza Áli -Almaty qalasynyń Memlekettik arhıviniń № 662 qor ıegeri. Bul kisiniń Oral qalasynda murajaıy bar. Al barlyq qujattary men qoljazbalary bizdiń arhıvte saqtalǵan. Búgin 90 jyldyq mereıtoıǵa oraı fotokórme jáne merekelik kesh uıymdastyryldy, - dedi Almaty memleketik arhıviniń dırektory Abzal Botanov.
Eske salý keshinde estrada ánshileriniń oryndaýynda aqynnyń sózine jazylǵan ánder shyrqaldy.
- Osydan 14 jyl buryn Qadyr aǵamyzdyń úlken júregi ókinishke qaraı toqtady. Biraq sol kúnnen bastap Qadyr aǵamyzdyń ekinshi ǵumyry bastaldy. Ol kisiniń tamasha ádebı murasy, ushan teńiz poezıasy - jalpy ol kisiniń qasıetti qalamynan týǵan dúnıelerdi halyq arasynda nasıhattaý, jastarǵa jetkizý baǵytynda jumys isteý kerek boldy. Bul baǵytta 14 jyl buryn «Qadyr Myrza-Áli» qoǵamdyq qory quryldy, - dedi «Qadyr Myrza-Áli» qoǵamdyq qorynyń dırektory Donedil Qajymov.