Boıaý túsimen,
Adam isimen baǵaly.
***
Kúrek pen ketpen
Eńbekker netken!
***
Ókpeniń súıineri – ottegi,
Dıqannyń súıeneri – ketpeni.
***
Óz ashshy teriń óz arqańda kebýi kerek.
***
Ógizdiń jegenin jeseń,
İstegenin de iste!
***
Ǵumyr taýsylady,
Al jumys bitpeıdi.
***
Shyn meıram – jumys kúni.
***
Kóńildi júrip eńbek et,
Jelpinip otyryp tamaqtan.
***
Eńbekkerdiń teri keppeıdi,
İsi keri ketpeıdi.
***
Bir kókten basqa sıynaryń,
Bir eńbekten basqa súıeneriń joq.
***
Eńbekker adam toı-dýman dep elpildep turmaıdy.
Onyń qoly ketpen-kúrekke yńǵaıly.
***
Adam óz ómirin eńbekteýden bastap,
Eńbektenýmen aıaqtaıdy.
***
Bir saǵat kem uıyqtasań,
Bir saǵat artyq eńbek etesiń.
***
Eńbek – emshi.
***
Eldi ásker qorǵaıdy,
Eńbek asyraıdy.
***
Eńbekteý men eńbektenýdiń eki arasy
Ómir dep atalady.
***
Jumysshynyń uıqysy da,
Judyryǵy da qatty.
***
Eńbekti jek kóretin adamnyń
Ómir súrýge quqy joq.
***
Bireýdiń eńbegin qanaý –
Óz ımanyńdy tonaý.
***
Kim ekenińdi eńbegińmen dálelde,
Basqa jol joq bul elde.
***
Altyn arbaıdy,
Jumys jebeıdi.
***
Bizde jumys isteıtinderden góri
Jumys istetpeıtinder kóp.
***
Jaqsy jumys jigerińdi qozdyrady,
Jaman jumys júıkeńdi tozdyrady.
***
Eńbek etý kerek qoı Elge,
Jumys – jumys emes, delbe.
***
Jumystan qaıtqan shalǵynyń júzi jarqyn.
***
Jumys sharshatady,
Jumyssyzdyq azdyrady.
***
Jalqaý jumystan bezedi,
Jumysker jumysyn saǵynady.
***
Yqylaspen isteıtin jumys
Yǵyr qylmaıdy.
***
Eńbek Eri soǵys Batyrynan
Artyq bolmasa, kem emes!
***
Ógiz ózge úshin,
Adam ózi úshin jumys isteıdi.
***
Jumys degeniń paıdaly pıǵyl,
Tıimdi qımyl.
***
Jumys, óz erkińmen isteseń – saýlyq.
Zorlyqpen isteseń – dert.
***
Eń jaman jumys jumyssyzdyqtan jaqsy.
***
Qoldan keletindi qol isteıdi,
Qoldan kelmeıtindi bas isteıdi.
***
Eńbek – uly janashyr,
Uly tárbıeshi.
***
Adam – ózin-ózi jasaǵan Qudiret.
Quraly – eki qoly jáne Eńbek.
***
Eńbekaqy qashanda eńbekten arzan.
***
Eńbektiń ǵumyry uzyn,
Eńbekaqy ýaqytsha.
***
Eńbek – kedeıdiki,
Tabys – baıdiki.
***
Sorlynyń eńbegi baıdy tórge shyǵarady,
Kedeıdi kórge tyǵady.
***
Sosıalızm – saýyn sıyr
Kapıtalızm – qorqaý.
***
Eń ádemi qoǵam –
Eńbekti baǵalaıtyn qoǵam.
***
Eńbek – ógiz,
Eńbekaqy – buzaý.
***
Jumyssyz erkek – áıeldiń moınyna
İlip qoıǵan dıirmenniń ústińgi tasy.
***
Eńbektiń teri – bereke,
Mańdaıdyń teri – injý.
Mańdaıdyń teri – marjan,
Eńbektiń ózi – arzan.
***
Adamnyń anasy – Tabıǵat,
Ákesi Eńbek.
***
Eńbekker adam
Eńbekten qalsa da,
Ashtan ólmeıdi.
***
Eńbegi janǵannyń juldyzy janady.
***
Tirlik degen jumys,
Ómir degen uly is.
Uly isinde ulystyń
Bolmaý kerek turys.
***
Dúngender eńbekker bala týady,
Balalary ketpenin ala týady.
***
Jarylqaýshy – Jaratqan,
Esirkeýshi – Eńbek.
***
Janyńdy salyp isteıtin jumys – shabyt.
Qanyńdy syǵyp alatyn jumys – qamyt.
***
Saýlyqtan asqan enshi joq,
Eńbekten asqan emshi joq.
***
Túsinbeımiz ǵoı keıde,
Beınettiń túbi – zeınet.
***
Táýeldi jumys –
Tarylǵan tynys.
Kóńildi jumys –
Tasyǵan yrys.
***
Aldymen jórgekten
Shyǵa sap eńbekte.
Sodan soń ólgenshe,
Ólgenshe eńbekten!
***
Eńbek penen demalys
Paradtaǵy par at.
***
Yqylaspen istegen jumys – júmys,
Yqylassyz istegen jumys – qylmys.
***
Eńbek – tirliktiń ekinshi aty.
Dúnıedegi bir janashyryń – jumys.
***
Baılyq eńbekpen keledi,
Shólmekpen ketedi.
***
Maldy tabý qıyn,
Baǵý da ońaı emes.
***
Jumys – bireýler úshin qur azap,
Bireýler úshin – lázzat.
***
Jelmen kelgen jelmen ketedi
Termen kelgen terińe sińedi.
***
Eńbek etpegen eńbektep ketedi.
***
Ashshy ter tókpeı,
Tushshy tirlik bolmaıdy.
***
Eńbek etkenniń eńsesi bıik.
***
Boıy del-sal adamnyń
Oıy da del-sal.
***
Eńbekkerdiń enshisi bólek.
***
Baı el ozbaıdy,
Eńbekker el ozady.
***
Eńbeksiz kelgen baılyq –
Baılyq emes – qaıǵy.
***
Eńbek – tánniń qýanyshy,
Jannyń jubanyshy.
***
Kóktegi qudiret – Qudaı,
Jerdegi qudiret – Eńbek.
***
Birinshi baılyq – densaýlyq,
Ekinshi baılyq – iskerlik,
Úshinshi baılyq – kirbińsiz kóńil.
***
Jalqaýdyń jany jadyramaıdy.
***
Beınetqor bolýyń – Táńirden,
Eńbekqor bolýyń – ózińnen.
***
Abyroıdyń anasy – aqyl,
Atasy – eńbek.
***
Kústi qol – Kúshti qol.
***
Tulpar – báıgege shapqanda,
Dıqan – ketpen shapqanda terleıdi.
***
Ómirdiń máni de, dámi de – eńbekte.
***
Ter tókpeı,
Bolmaıdy ómir ertekteı.
***