Sáýirdiń 27-nen 28-ne qaraǵan túni Qadir túni bolady.
2022 jyly sáýirdiń 27-nen 28-ne qaraǵan túni Qadir túni bolady. Qasıetti Qadir túni aýyz ashqan ýaqyttan bastap, sáresine deıin jalǵasady, dep habarlaıdy Almaty-akhsamy.kz Almaty.tv silteme jasap.
2022 jyly Qadir túni sáýir aıyna sáıkes keledi. Barsha musylmandar asyǵa kútetin qasıetti túnde duǵa etip, Alladan keshirim tileıdi.
Musylman qaýymy úshin erekshe oryn alatyn bul tún týraly Quran Kárimniń «Qadir súresinde» tolyq jazylǵan. Bes aıattan turatyn súrede Qurannyń Qadir túninde jerge túsirilgeni jaıly aıtylady. Sonymen qatar ol myń aıdan da qaıyrly bolyp esepteledi. Allanyń buıryǵymen jerge túsken Jábireıil perishte adamdarǵa qyzmet etedi.
Qadir túninde jel soqpaıdy. Aınalada tynyshtyq ornap, jaýyn-shashyn jaýmaıdy. Bul túni jerge túsken perishteler tastan da kóp bolyp, olar adamdarǵa duǵa etýge járdemesedi.
Qadir túnin uıqysyz duǵa etip, qulshylyqpen ótkizgen jón. Er adamdar meshitke baryp, paryz namazdary men nápil, qaza namazdaryn jamaǵatpen birge oqyǵany jón. Al áıel adamdarǵa meshitke barý mindetti emes. Sondaı-aq Qadir túninde sadaqa bergen abzal.