Qylmystyq ister qozǵaldy.
Ulttyq qaýipsizdik komıtetiniń mamandary Qazaqstanǵa opasyzdyq jasady degen kúdikpen bir top adamdy ustady, dep habarlaıdy Almaty-akshamy.kz.
«Ulttyq qaýipsizdik komıteti tyńshylyq, memleketke opasyzdyq jasaý, memlekettik qupıalardy zańsyz jınaý jáne jarıa etý kúdigimen adamdar tobyn, onyń ishinde shetel memleketiniń azamatyn ustady», - delingen Komıtettiń baspasóz qyzmetiniń habarlamasynda.
QR QK 175-babynyń 1-bóligi (memleketke opasyzdyq jasaý), 176-baby (tyńshylyq) jáne 185-babynyń 3-bóligi (memlekettik qupıalardy zańsyz jınaý jáne jarıa etý) boıynsha qylmystyq ister qozǵaldy.
Tergeý soty osy adamdar tobyna qatysty qamaýda ustaý túrindegi bultartpaý sharasyn tańdady.
Qylmystyq isterdiń «Qupıa» belgisi bar, osyǵan baılanysty tergeý múddesinde ózge aqparat jarıa etilmeıdi.