Reseı Prezıdenti Vladımır Pýtınniń baspasóz hatshysy eldiń memlekettik telearnasynda kórsetilgen bir top saıasattanýshynyń Qazaqstanǵa qatysty daýly málimdemesine jaýap berdi.
Qazaqstandyq jýrnalıs Ádil Baltabaev Vladımır Pýtınniń baspasóz hatshysy Dmıtrıı Peskovtan Reseıdiń «Rossıa 1» memlekettik telearnasyndaǵy «Vladımır Solovevpen» saıası tok-shoýynda aıtylǵan Qazaqstanǵa qatysty málimdeme Kremldiń ustanymymen qanshalyqty sáıkes keletinin surady, dep surady Almaty-akshamy.kz.
Jýrnalıs resmı jaýapty óziniń telegram arnasynda jarıalaǵan.
«Bul saıasattanýshylardyń pikiri Úkimettiń, Kremldiń saıası ustanymyn bildirmeıdi. Olardy tyńdap, kórýdiń qajeti joq», - dedi Peskov.
Onyń aıtýynsha, ártúrli adamdar bar, olardyń kózqarasy da ártúrli. Alaıda olardyń resmı bılikke eshqandaı qatysy joq.
Aıta keteıik, Reseıdiń «Rossıa 1» telearnasyndaǵy «Vladımır Solovevpen» baǵdarlamasynda sarapshylardyń biri «Reseı úshin Ýkraınadan keıingi problema – Qazaqstan» ekenin aıtqan.