Chılıdiń barlyq jankúıerleri úshin mańyzdy oqıǵa boldy.
Brazılıa astanasy Brazılıada ótken qazaq jazýshysy, dramatýrg, ǵalym Muhtar Áýezovke arnalǵan konferensıada Dımash Qudaıbergenniń chılılik jankúıerleri belsendilik tanytty, dep habarlaıdy Almaty-akshamy.kz dimashnews.com saıtyna silteme jasap.
Muhtar Áýezovtiń 125 jyldyǵyna arnalǵan is-shara 16 qarashada ótken. Konferensıa barysynda qazaq tili pániniń oqytýshysy, túrkitaný fakúltetiniń aspıranty Marsıa Kastro barsha qatysýshylarǵa jazýshynyń ómir joly men áıgili «Abaı joly» romany týraly maǵlumat berdi.
Sharany uıymdastyrýshylar «Qazaqstan-CHılı dostyǵy qoǵamy» qurylǵanyn resmı túrde jarıalady. Bul týraly buǵan deıin Qazaqstannyń Chılıdegi Elshisi Bolat Núsipov málimdegen. Chılılik jankúıerler ózderiniń ulttyq bıin – mýzykasy men mátini osy mańyzdy oqıǵaǵa arnaıy jazylǵan kýekany usyndy.
«Dımash árqashan búkil álemnen Dears-ty Qazaqstanǵa qonaqqa shaqyrady, sondyqtan bizdiń «Qazaqstan – batyl halyq» atty kýekamyz (ulttyq bı) Chılıdiń barlyq jankúıerleri úshin mańyzdy oqıǵa boldy. Bul qýeka bizdiń súıikti oryndaýshymyzdyń Otanyna bir kúni barý degen asyl armanymyzǵa burynǵydan da jaqyndaǵanymyzdy sezindiredi», - deıdi joba avtorlary Klaýdıa Lobos pen Karmen Sandoval.