Túrkıa basshysy "Túrkıa men Reseı birge" dep túıindedi
13 qazanda Qazaqstan astanasynda Reseı prezıdenti Vladımır Pýtın men Túrkıa prezıdenti Rejep Taıyp Erdoǵan kelissózder júrgizdi. Kezdesýden keıin eki el basshylary jýrnalıser aldynda qysqasha málimdeme jasap, keıin jabyq ekijaqty kezdesý bastaldy, dep habarlaıdy Almaty-akshamy.kz Zakon.kz-ke silteme jasa.
Kremlin.ru saıtynyń habarlaýynsha, Vladımır Pýtın Eýropaǵa gaz jetkizýdiń eń senimdi joly Túrkıa bolyp shyqqanyn atap ótti. Sonymen qatar ol "Túrik aǵyny" ony jarýǵa tyryssa da sátti jumys istep jatqanyn aıtty.
«Túrkıadan basqa elderdegi áleýetti satyp alýshylardan qyzyǵýshylyq týyndasa, biz basqa elderge, eń áýeli, eýropalyq elderge satý úshin basqa gaz qubyry júıesin salý jáne Túrkıada gaz habyn qurý múmkindigin qarastyra alamyz. Árıne olar osyǵan qyzyǵýshylyq tanytsa», - dedi Vladımır Pýtın.
Sonymen qatar Reseı prezıdentiniń aıtýynsha, bul habtyń jumys isteý barysynda "jetkizý úshin ǵana emes, sonymen qatar baǵany anyqtaý úshin de platforma" jasaý qajet.
«Bul baǵalar búginde shekten tys. Biz (olardy. – Red.) eshbir saıası astarsyz qalypty naryq deńgeıinde sabyrly túrde retteı alar edik», -dedi Vladımır Pýtın.
Óz kezeginde Túrkıa prezıdenti eki el arasyndaǵy yntymaqtastyq máselelerine toqtaldy.
"Aqqýydaǵy" energıa óndirisi bizdiń qajettilikterimizdiń 10%-yn qamtamasyz etedi. Ekinshi atom elektr stansıasy salynsa, taǵy 10% plús. Biz energıaǵa degen suranystyń jıyrma paıyzyn osy atom elektr stansıalary arqyly qamtamasyz etemiz», -dedi Redjep Erdoǵan.
Odan keıin astyq ónimderi máselesine toqtaldy.
«Ystambul kelisimin nyǵaıtyp, Reseı tyńaıtqyshtary álemniń eń kedeı elderine jetkizilýi úshin bul kelisimdi qaıtadan Túrkıa arqyly jalǵastyrý qajet. Damymaǵan elderge astyq ónimderi men tyńaıtqyshtar jetkizýge bel býdyq», -dedi Redjep Erdoǵan.
Túrkıa basshysy "Túrkıa men Reseı birge" dep túıindedi.
«Biz berik bekingenbiz. Bizdiń vedomstvolarymyzdaǵy mınıstrlerdiń kezdesýleri úlken mańyzǵa ıe jáne bizdiń qarym-qatynasymyzdy nyǵaıta túsedi», -dedi Redjep Erdoǵan.
13 qazanda Astanada Azıadaǵy ózara is-qımyl jáne senim sharalary keńesiniń VI samıti ótti. Túrkıa Prezıdenti Astanaǵa memlekettik saparmen 12 qazanda keldi. Vladımır Pýtın Qazaqstan astanasyna 13 qazanda keldi.