Jalpy 12 úmitker Ortalyq saılaý komısıasyna qujattaryn tapsyrdy
Búgin Ortalyq saılaý komısıasynda ótken ashyq otyrysta komısıa ókilderi QR Prezıdenttigine úmitker qansha kandıdattyń talapqa saı bolyp shyqqanyn málim etti, dep habarlaıdy Almaty-akshamy.kz QazAqparatqa silteme jasap.
«Jalpy 12 úmitker Ortalyq saılaý komısıasyna qujattaryn tapsyrdy. Biz óz kezegimizde qujattardyń sáıkestigin tekserip, zańǵa súıene otyryp búkil jumysty júrgizdik. Búgin 3 úmitker talapqa saı bolmaı shyqty. Taǵy bir úmitkerge sot uıǵarymy bar, oǵan qatysty sheshim keıin shyǵady. Bul jumys áli jalǵasyp jatyr. Biz ony tekserýdi toqtatý týraly sheshim qabyldaǵan joqpyz. Al jalpy qalǵan búkil úmitkerlerdiń sáıkestik máselesin tolyq qaradyq», - dedi Ortalyq saılaý komısıasynyń hatshysy Muhtar Erman.
Qosa ketsek, buǵan deıin Ortalyq saılaý komısıasynyń múshesi úmitkerlerge saılaý jarnasy qandaı jaǵdaıda qaıtarylatynyn túsindirgen bolatyn.
Sabıla Mustafınanyń sózinshe, «QR saılaý týraly» Konstıtýsıalyq zańyna sáıkes, kandıdatqa 3 jaǵdaıda jarnasy qaıtarylady.