Ulttyq saraptama ortalyǵy baǵany tómendetti.
Básekelestikti qorǵaý jáne damytý agenttiginiń baspasóz qyzmetiniń málimetinshe, COVID-19-dy anyqtaıtyn PTR testileý quny 4,9 myń teńgege deıin tómendetildi, dep habarlaıdy Almaty-akshamy.kz
Ulttyq saraptama ortalyǵy COVID-19-ǵa PTR testileý qyzmetiniń qunyn 6,4-ten 4,9 myń teńgege deıin tómendetti. Ulttyq saraptama ortalyǵy 17 óńirde qyzmet kórsetedi.
PTR test quny Almaty qalasynda (Innova zerthanasy) 6 myń teńgege deıin, Atyraý oblysynda (Interteach, Vestern, Dostar Med Prestıj) 7 myńnan 5 myń teńgege deıin tómendetildi.
Básekelestikti qorǵaý jáne damytý agenttiginiń Túrkistan oblysy boıynsha departamenti men Túrkistan qalalyq aýrýhanasynda jasalǵan monopolıaǵa qarsy komplaens aıasynda atalǵan medısınalyq mekeme PTR test baǵasyn 7 myńnan 4,9 myń teńgege deıin tómendetti.
Sonymen qatar, respýblıka boıynsha fılıaldary bar iri jelilik zerthanalarda COVID-19 PTR-testileriniń baǵasy burynǵy kúıinde qalyp otyr, ortasha alǵanda 7,4 myń teńge kóleminde.
Buryn KDL «Olımp» JSHS men «Invıvo» JSHS-men qosqanda 36 naryq sýbektisi 2020 jyldyń qazanynda baǵany 12 myńnan 9 myń teńgege deıin, al keıin 2021 jyldyń aqpanynda 7 myń teńgege deıin tómendetti. 2022 jyldyń birinshi toqsanynda agenttik básekelestik deńgeıin anyqtaý, domınanttardy anyqtaý jáne qyzmetterdiń baǵasyn zertteý maqsatynda COVID-19-dy anyqtaıtyn PTR testileý naryǵyndaǵy básekelestiktiń jaı-kúıine taldaý jasaýdy josparlap otyr.