Adam óltirýge oqtalǵan sheteldik ustaldy
2 jeltoqsanda saǵat 10 shamasynda Jambyl APB kezekshi bólimine Qansheńgeldi aýylynan 70 shaqyrym jerde ornalasqan jaıylymnan keýdesinen oqpen jaralanǵan Uzynaǵash aýylynyń 42 jastaǵy turǵyny aýrýhanaǵa jetkizilgeni týraly habarlama kelip túsken, dep habarlady Almaty-akhsamy.kz Polisia.kz-ke silteme jasap.
Atalǵan fakt QR QK 24-baby 3-bóligi; 99-bóligi 1-bóligi (Kisi óltirýge oqtalý) boıynsha SDTBT-de tirkeldi. Oqıǵa ornyna shyqqan jedel-tergeý toby aqparatty rastady. Bastapqy tergeý áreketterin júrgizý kezinde polısıa qyzmetkerleri shamamen bir aı buryn jumysqa kelgen Ózbekstan Respýblıkasynyń 31 jastaǵy azamatyn anyqtap, ustady. Kúdiktiden onyń jumys berýshisine tıesili 16 kalıbrli eki uńǵyly ańshylyq myltyq tárkilendi. Ustalǵan azamat kinásin moıyndady.
«İs materıaldary boıynsha, shopandar arasynda aýmaqtyq shaǵymdarǵa baılanysty janjal oryn alǵan. Qajetti saraptamalar taǵaıyndaldy. Tergeý sýdıasy kúdiktige eki aılyq qamaýda ustaý túrinde bultartpaý sharasyn sanksıalady. QR QİJK 201-babyna sáıkes ózge aqparat jarıa etilmeıdi», – dep habarlady Jambyl oblystyq PB bastyǵynyń orynbasary Aıdyn Jeksenbaev.