Qyzylorda oblysynyń prokýrorlary kásipkerlik sýbektilerine qatysty 45 qylmystyq isti toqtatty
Memleket basshysy belgilegen basty jáne basym baǵyttardyń biri otandyq bıznesti qorǵaý bolyp tabylady, dep habarlaıdy almaty-akshamy.kz Qyzylorda oblysynyń prokýratýrasyna silteme jasap.
Bas prokýratýranyń bastamasymen kásipkerlerdiń quqyqtaryn qorǵaý salasyndaǵy quqyq qoldaný praktıkasyna taldaý júrgizilip, onyń qorytyndysymen bıznestiń, onyń ishinde qylmystyq-quqyqtyq saladaǵy júıeli problemalar anyqtaldy.
Mundaı máselelerdi sheshý prokýratýra organdaryna júkteldi. Osyǵan baılanysty 2022 jylǵy qyrkúıekte Bas prokýror barlyq tómen turǵan prokýrorlarǵa, sondaı-aq eldiń quqyq qorǵaý organdary basshylarynyń atyna kásipkerlerdi zańsyz qýdalaýǵa jol bermeý jóninde nusqaý berdi.
Nusqaýǵa sáıkes kásipkerlerge odan ári shaǵymdaný quqyǵyn bere otyryp, tıisti tekserý nátıjeleri týraly aktimen tanysý múmkindigi berildi.
Mundaı tártip 2023 jyly oblys kásipkerlerine qatysty qylmystyq isterdi tirkeý faktileriniń sanyn eki esege azaıtýǵa múmkindik berdi.
- Oblystyq prokýratýra organdarynyń qyzmetkerleri kásipkerlik sýbektilerine qatysty tirkelip, birneshe jyl kóleminde sheshimin tappaǵan 45 qylmystyq isti anyqtap, barlyǵyn aqtaý negizderimen toqtatty.
- Qylmystyq qýdalaý organynyń 2 jergilikti kásipkerdiń shetelge shyǵýyn shekteıtin zańsyz sheshimi anyqtaldy jáne joıyldy.
- 3 kásipkerdiń múlki tyıym salýdan bosatylyp, shekteýler alynyp tastaldy.
- Kásipkerlik qyzmetke kedergi jasaý faktisimen 1 (QK 365-baby, Zańdy kásipkerlik qyzmetpen aınalysýǵa kedergi jasaý) qylmystyq is tirkelip, tergeý nátıjesinde sotqa joldandy. Kináli tulǵaǵa qatysty sot úkimimen 3 jyl bas bostandyǵynan shekteý jazasy qabyldandy.
Dóńgelek ústelde prokýratýra organdarynyń bıznesti qorǵaý boıynsha atqarǵan jumystaryn jarıalaýmen qatar, qatysýshylardyń pikirleri men usynystaryn eskere otyryp, kásipkerlik sýbektilerin baqylaýshy jáne quqyq qorǵaý organdary tarapynan negizsiz qysym jasaýdan odan ári arashalaý jónindegi problemalyq máseleler talqylandy.
Kún tártibin talqylaýǵa sottardyń, kúsh qurylymdarynyń jáne birqatar memlekettik organdardyń basshylary, sondaı-aq kásipkerler palatasynyń dırektory atynan oblystyń bıznes qoǵamdastyǵynyń ókili tartylǵanyn atap ótken jón.
Oblys prokýrory R.K.Ojarov quqyq qorǵaý jáne ózge de ýákiletti memlekettik organdar basshylarynyń nazaryn sheshimderi men áreketteri kásipkerlerdiń quqyqtaryna kedergi keltiretin, shekteıtin jáne mundaı jumysty qadaǵalaý organynyń ókilderi jan-jaqty qoldaıtyn adamdardy anyqtaý boıynsha júıeli jumys júrgizýge aýdardy.
Sonymen qatar, dóńgelek ústel otyrystaryn qorytyndylaı kele, oblys prokýrory memlekettik organdar tarapynan mundaı birlesken kúsh-jigerdiń aıqyn bolýy tıis ekenin jáne kásipkerler óz tarapynan qoldaýdy turaqty negizde sezinýi tıis ekenin atap ótti.