Konstıtýsıalyq Sotqa júgingen kezde neni bilý mańyzdy
Zań normasynyń Negizgi zańǵa sáıkestigin tekserý úshin Konstıtýsıalyq Sotqa ótinish joldaıtyn kezde ótinishtiń nysanynda da, mazmunynda da belgili bir talaptardy eskerý qajet.
Sizdiń ótinishińizde ne naqty kórsetilýi kerek:
- Konstıtýsıalyq Sotqa ne úshin júginip otyrsyz. Osy ótinishke sebep bolǵan jaǵdaıdy qysqasha sıpattańyz.
- Jalpy ıýrısdıksıaly sotta sizge naqty qandaı norma qoldanyldy jáne ony nelikten Konstıtýsıaǵa sáıkes kelmeıdi dep sanaısyz.
- Daýlanyp otyrǵan norma sizdiń konstıtýsıalyq quqyqtaryńyzǵa qalaı nuqsan keltiredi. Konstıtýsıanyń tıisti baptaryn kórsetińiz. Ótinishtiń osy bólimin jazý kúrdeli bolýy múmkin jáne Konstıtýsıa turǵysynan buzýshylyqtardy negizge alý tájirıbesin qajet etedi.
Osyǵan baılanysty, Konstıtýsıalyq Sotqa ótinish berý tártibi men rásimderi týraly jan-jaqty konsýltasıany siz Konstıtýsıalyq Sot Apparatynyń qyzmetkerlerinen Astana qalasy, Máńgilik el dańǵyly, 13 (RFMM mektebine qarama-qarsy jaqta) mekenjaıy boıynsha Azamattardy qabyldaý ortalyǵynan ala alasyz.
Sonymen qatar, «Advokattyq qyzmet jáne zań kómegi týraly» Zańǵa sáıkes siz zańgerlik keńes alý úshin advokattarǵa, zań konsýltantary jáne basqa da zańgerlik kómek kórsetetinderge júgine alasyz. Azamattarǵa zań kómegi ony alýǵa quqyǵy bar adamdarǵa memleket kepildik bergen zań kómeginiń bóligi retinde aqyly da, tegin de kórsetiledi.
Azamattardyń konstıtýsıalyq baqylaý organyna ótinishiniń úlgisi silteme boıynsha Konstıtýsıalyq Sottyń saıtynda ornalastyrylǵan https://www.gov.kz/memleket/entities/ksrk/documents/details/400497?lang=kk