Qasym-Jomart Kemeluly Toqaevtyń Qazaqstan Respýblıkasynyń prezıdenttigine kandıdat retinde qujattary usynyldy. Bul týraly Ortalyq saılaý komısıasy málim etti, dep habarlaıdy Almaty-akshamy.kz.
Ortalyq saılaý komısıasynyń aqparattyq habarynda bylaı dep jazylǵan:
«2022 jylǵy 7 qazanda «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq Zańynyń 54 jáne 55-baptaryna sáıkes, sondaı-aq «2022 jylǵy 20 qarashaǵa taǵaıyndalǵan Qazaqstan Respýblıkasy Prezıdentiniń kezekten tys saılaýy boıynsha saılaý qujattarynyń nysandaryn belgileý týraly» Qazaqstan Respýblıkasy Ortalyq saılaý komısıasynyń 2022 jylǵy 23 qyrkúıektegi № 67/545 qaýlysyna sáıkes Qazaqstan Respýblıkasynyń Ortalyq saılaý komısıasyna Qasym-Jomart Kemeluly Toqaevtyń Qazaqstan Respýblıkasynyń Prezıdenttigine kandıdat etip usyný týraly kelesi qujattary usynyldy:
1. «AMANAT» partıasy, Qazaqstan Halyq partıasy, «Aq jol» Qazaqstannyń Demokratıalyq partıasy», «Ardagerler uıymy», «QAZAQSTAN TEAM», «Qazaqstan máslıhattary depýtattarynyń birlestigi», «Generaldar keńesi», «Qazaqstandyq sportshylar odaǵy» respýblıkalyq qoǵamdyq birlestikteriniń joǵary organdary otyrystarynyń Qazaqstan Respýblıkasynyń Prezıdenttigine usyný týraly hattamalarynan úzindi kóshirmeleri;
2. Q.K. Toqaevtyń Qazaqstan Respýblıkasynyń Prezıdenttigine kandıdat bolýǵa kelisimi týraly, ómirbaıandyq derekteri qosa berilgen ótinishi;
3. Qazaqstan Respýblıkasy Ortalyq saılaý komısıasynyń shotyna saılaý jarnasynyń engizilgenin kýálandyratyn qujat;
4. Jeke basyn kýálandyratyn qujattyń kóshirmesi;
5. Joǵary bilimi týraly dıplomdardyń kóshirmeleri».