Memleket basshysy Qasym-Jomart Toqaev Táýelsiz Memleketter Dostastyǵyna múshe elder kóshbasshylarynyń beıresmı kezdesýine qatysty, dep habarlaıdy Almaty-akshamy.kz Aqordaǵa silteme jasap.
Táýelsiz Memleketter Dostastyǵyna múshe elder kóshbasshylarynyń beıresmı kezdesýine Qazaqstan Prezıdentimen qatar, Ázerbaıjan Prezıdenti Ilham Álıev, Armenıa Premer-mınıstri Nıkol Pashınán, Belarýs Prezıdenti Aleksandr Lýkashenko, Reseı Prezıdenti Vladımır Pýtın, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıóev qatysty.
Jıyn barysynda TMD elderiniń basshylary Uıym qyzmetiniń basym baǵyttaryn, ózara tıimdi yntymaqtastyqty nyǵaıtý jáne odan ári damytý jónindegi jospardy talqylady.
Memleket basshysy Qasym-Jomart Toqaev Vladımır Pýtındi mereıtoıymen quttyqtap, onyń Qazaqstan men Reseı arasyndaǵy strategıalyq seriktestikti nyǵaıtýǵa qosqan úlesin atap ótti.
Buǵan deıin habarlaǵanymyzdaı, Prezıdent Qasym-Jomart Toqaev TMD memleketteri basshylarynyń beıresmı kezdesýine qatysý úshin Sankt-Peterbýrgtegi Konstantın saraıyna bardy.