Anyqtalǵan derekter boıynsha qylmystyq is qozǵaldy
Almaty oblysynda quny 1 mlrd teńge bolatyn paıdaly qazbany zańsyz óndirip kelgender ustaldy, dep habarlaıdy Almaty-akshamy.kz Almaty.tv-ge silteme jasap.
Tabıǵatty qorǵaý prokýratýrasy men polısıa qyzmetkerleri tergeý nátıjesinde oblystaǵy úsh zańsyz karerdiń jumysyn toqtatty. Kúdiktiler tapqan qum men qıyrshyqtasty naryqqa satýdy maqsat tutqan. Anyqtalǵan derekter boıynsha qylmystyq is qozǵaldy.
«Qylmystyq Kodekstiń 334-baby 2-bóligi boıynsha sotqa deıingi tergep-tekserý bastaldy. Jedel-tergeý toby quryldy. Kúdiktilerdiń kinási anyqtalǵan jaǵdaıda úsh myń aılyq eseptik kórsetkishke deıin aıyppul tóleıdi nemese bas bostandyǵynan shekteledi. Sondaı-aq, úsh jylǵa deıin bas bostandyǵynan aıyrý kózdelgen», – dedi mamandandyrylǵan tabıǵat qorǵaý prokýrory Tımýr Qasymov.