2023 jyly Prezıdenttik stıpendıa elimizdiń 55 joǵary oqý ornynda 1005 stýdent pen 7 magıstrantqa taǵaıyndaldy.
Prezıdenttik stıpendıany taǵaıyndaý týraly Qazaqstan Respýblıkasynyń Ǵylym jáne joǵary bilim mınıstri Saıasat Nurbektiń buıryǵy shyqty, dep habarlaıdy Almaty-akshamy.kz.
Ǵylym jáne joǵary bilim mınıstrliginiń málimetinshe, bakalavr stýdentteri úshin Prezıdenttik stıpendıa mólsheri – 73 320 teńge, magıstranttar úshin – 173 974 teńge.
QR Prezıdenti stıpendıasynyń maqsaty – bilim alýshylardyń ǵylymı-zertteý jáne oqý-tanymdyq qyzmetin yntalandyrý, neǵurlym daryndy jáne qabiletti stýdentter men magıstranttardy qoldaý, sondaı-aq zıatkerlik áleýetti qalyptastyrýǵa járdemdesý.
Stıpendıattar úshin irikteýdiń negizgi krıterııi - tek «óte jaqsy» (A, A -) oqý. Sondaı-aq, stýdentter men magıstranttardyń respýblıkalyq jáne halyqaralyq olımpıadalardaǵy, shyǵarmashylyq konkýrstardaǵy, sporttyq jarystardaǵy, festıváldardaǵy jetistikteri eskeriledi.
Sonymen qatar, ashylýlar men ónertabystardyń avtorlary stıpendıa ıegerleri bola alady; ǵylymı eńbekter jınaǵynda, respýblıkalyq jáne halyqaralyq ǵylymı jýrnaldarda jarıalanymdary bar bilim alýshylar; jetistikteri dıplomdarmen, gramotalarmen, sertıfıkattarmen, kýáliktermen rastalǵan ǵylymı-zertteý jumystarymen belsendi aınalysady; bilim berý uıymdarynyń qoǵamdyq, mádenı jáne sporttyq ómirine qatysady.
Prezıdenttik stıpendıa 3 kýrstan bastap kúndizgi bólimde oqıtyn stýdentterge jáne ekinshi kýrstan bastap magıstranttarǵa taǵaıyndalady.