Prezıdenttik jastar kadrlyq rezerviniń eki múshesi laýazymdy qyzmetke bardy. Bul týraly Prezıdenttiń kómekshisi Erlan Qarın Telegram-kanalynda jazdy, dep habarlaıdy almaty-akshamy.kz
«Prezıdenttik jastar kadrlyq rezerviniń jelisi boıynsha taǵy eki maman qyzmetke taǵaıyndaldy. Tımýr Meńdibaev «Samuryq-Qazyna» ulttyq ál-aýqat qorynyń Strategıalyq josparlaý jáne naryqtardy taldaý departamentiniń dırektory, al Baqtıar Muhametqalıev «Azamattarǵa arnalǵan úkimet» komersıalyq emes aksıonerlik qoǵamynyń basqarma apparatynyń Servıs jónindegi basqarýshy dırektory boldy», -dep jazdy Erlan Qarın.
Onyń aıtýynsha, Prezıdenttik jastar kadrlyq rezervi qurylǵannan beri oǵan múshe 184 jas maman jaýapty oryndarǵa qyzmetke turǵan.
«Osylaısha, búgingi tańda rezervtegi 184 jas maman jumysqa ornalasty. Qyrkúıek aıynda Prezıdenttik jastar kadrlyq rezerviniń ekinshi jıynyna konkýrs bastalady», - dedi Memleket basshysynyń kómekshisi.