Ǵalymdar men sarapshylardan qurylǵan komısıa arhıvterde, jabyq qorlarda aýqymdy zertteýler júrgizgen.
Prezıdent Qasym-Jomart Toqaev Memlekettik keńesshi Erlan Qarınniń Saıası qýǵyn-súrgin qurbandaryn tolyq aqtaý jónindegi memlekettik komısıanyń jumysy týraly esebin tyńdady, dep habarlaıdy Almaty-akshamy.kz Aqordaǵa silteme jasap.
«Memleket basshysyna Saıası qýǵyn-súrgin qurbandaryn tolyq aqtaý jónindegi memlekettik komısıa materıaldarynyń negizinde daıyndalǵan kóptomdyq tanystyryldy», - dep jazdy Aqordanyń resmı saıty.
Memlekettik komısıanyń qyzmeti ǵylymı-zertteý jumystaryna baǵyttalǵan. Belgili ǵalymdar men sarapshylardan qurylǵan komısıa músheleri elimizdiń arhıvterinde, jabyq qorlarda aýqymdy zertteýler júrgizdi. Quzyrly memlekettik organdarmen birlesip, vedimistik arhıvterdi qupıasyzdandyrýǵa jáne qýǵyn-súrgin qurbandaryn aqtaýǵa qatysty jumys júrgizilip jatyr.
«Memleket basshysyna ártúrli qýǵyn-súrgin sanattary boıynsha qujattar men materıaldar negizinde qurastyrylǵan 31 tomdyq qujat tanystyryldy», - dep málimdedi QR Prezıdentiniń baspasóz qyzmeti.
Bıyl da Memlekettik komısıa qýǵyn-súrgin qurbandarynyń tarıhyn zertteý, arhıv qujattaryn sıfrlandyrý jáne elektrondy qorlardy qalyptastyrý baǵytyndaǵy jumysyn jalǵastyra beredi.