2023-2025 jyldarǵa arnalǵan damý boljamy usynyldy
Prezıdent Qasym-Jomart Toqaevqa 2022 jyldyń qańtar-shilde aılaryndaǵy elimizdiń áleýmettik-ekonomıkalyq damý qorytyndylary týraly baıandaldy, dep habarlaıdy Almaty- akshamy.kz.
Álıhan Smaıylovtyń aıtýynsha, osy aralyqta JİÓ ósimi 3,2 paıyzdy qurady. Taýarlar óndirisi 3,3 paıyzǵa, kórsetilgen qyzmetter 2,4 paıyzǵa artty.
Qurylys, saýda, óńdeý ónerkásibi, sondaı-aq kólik jáne baılanys salalarynda aıtarlyqtaı ósim bar.
Premer-Mınıstr Prezıdentke Úkimettiń áleýmettik mańyzy bar azyq-túlik taýarlaryna baǵany tejeý sharalaryna qatysty málimet berdi.
Úkimet 2022-2024 jyldarǵa arnalǵan azyq-túlik qaýipsizdigi josparyn oryndap keledi.
Premer-Mınıstr ınflásıa deńgeıin tómendetý, ekonomıkany demonopolızasıalaý, eldiń tranzıttik-kóliktik áleýetin damytý jónindegi sharalar týraly baıandady.
Álıhan Smaıylov quny 22,2 trıllıon teńge bolatyn ınvestısıalyq jobalardyń júzege asyrylyp jatqanyn jetkizdi.
Úkimet basshysy Prezıdentke Qazaqstannyń 2023-2025 jyldarǵa arnalǵan áleýmettik-ekonomıkalyq damý boljamyn usyndy.
Prezıdent qurylymdyq reformalar men ekonomıkany demonopolızasıalaýdy jalǵastyryp, kásipkerlikke qoldaý kórsetý qajet ekenin aıtty.
Sondaı-aq halyqtyń kirisin arttyrýdy qamtamasyz etýdiń mańyzyn atap ótti.