Jalǵan aqparat taralǵan
QR Indýstrıa jáne ınfraqurylymdyq damý mınıstri Qaıyrbek Óskenbaev kópshilikti alaıaqtarǵa aldanbaýǵa shaqyrdy. Aıtýynsha, belgisiz bireýler mınıstrdiń atyn jamylyp, jalǵan aqparat taratyp júr, dep habarlaıdy Almaty- akshamy.kz.
«Dostar! Qazirgi tańda alaıaqtardyń ártúrli amal-tásilderi kóbeıip ketti. Álbette, kez kelgen adam olardyń arbaýyna ońaı túsip qalýy múmkin. Máselen, kesheden beri keıbir áriptesterime «meniń atymnan» beıtanys adam habarlasyp, basshylyq qyzmetke taǵaıyndaý boıynsha usynys jasap, atalǵan usynystan bas tartqan jaǵdaıda jáne belgili bir soma bermese istep júrgen jumysynan shyǵarylatynyn alǵa tartqan. Sonymen qatar alaıaqtar basshylyq laýazymǵa taǵaıyndaý úrdisi kóp ýaqytty talap etetinin eskertip, jedel jaýap berýdi suraǵan», - dep jazady Qaıyrbek Óskenbaev Telegram arnasynda.
Mınıstr bos arandatýǵa boı aldyrmaı, saq bolýǵa úndedi.
«Osy rette basshylyq laýazymdarǵa taǵaıyndaý qońyraý shalý arqyly emes, aldymen konkýrstyq irikteý negizinde, odan keıin tıisti ýákiletti organdarmen kelisý boıynsha júzege asyrylatynyn erekshe atap ótkim keledi. Eger siz osyndaı jaǵdaıǵa tap bolsańyz, maǵan jeke habarlama joldaýlaryńyzǵa bolady nemese Indýstrıa jáne ınfraqurylymdyq damý mınıstrliginiń baspasóz hatshysyna habarlasa alasyz», - deıdi mınıstr.