Forým 2 kezeńnen turady
Qazaqstanda 2022 jyldyń 15-19 tamyz aralyǵynda Orta Azıa volonterleriniń birinshi forýmy ótedi, dep habarlaıdy Almaty- akshamy.kz. Uıymdastyrýshy – QR Aqparat jáne qoǵamdyq damý mınıstrligi.
İs-shara Memleket basshysy Qasym-Jomart Toqaevtyń 2020 jyly BUU Bas Assambleıasynyń 75-sessıasynda sóılegen sózindegi volonterlerdi jumyldyrýdyń halyqaralyq jylyn jarıalaý jónindegi bastamasyn qoldaýǵa baǵyttalǵan.
Buǵan deıin Qazaqstan Respýblıkasynyń Prezıdenti 2020 jyldy «Volonter jyly» dep jarıalaǵan bolatyn.
Forým Qazaqstan, Qyrǵyzstan, Tájikstan, Túrkimenstan, Ázirbaıjan, Armenıa jáne Ózbekstan volonterleriniń basyn qosady.
Qatysýshylar volonterliktiń jańa úrdisterin, volonterlikti damytýdaǵy Qazaqstannyń jaqsy tájirıbesin talqylaıdy. Sondaı-aq úzdik jobalardy jáne BUU volonterler baǵdarlamasyn – álemdegi eriktiliktiń jaı-kúıi týraly «Barshaǵa teń qoǵam qurý» baıandamasyn usynady.
Baıandama Afrıka, Arab elderi, Azıa-Tynyq muhıty, Eýropa, TMD, Latyn Amerıkasy jáne Karıb baseıninde júrgizilgen keısterge negizdelgen.
Forým 2 kezeńnen turady.
I kezeń. 15-16 tamyzda Býrabaı ulttyq parkinde jáne Túrkistan oblysynda halyqaralyq volonterler men sarapshylardyń qatysýymen Qazaqstannyń volonterlikti damytýdaǵy tájirıbesin talqylaý, úzdik volonterlik jobalardy tanystyrý úshin oflaın formatta pikirtalas ótedi. Qatysýshylardy bilim berý, ekologıa, medısına, jumysqa ornalastyrý, ınklúzıa, buqaralyq sport, etno-eriktilik, úzdik tájirıbeler, shyǵarmashylyq aımaq jáne áleýmettik sheberhananyń jeke baǵyttary boıynsha oıyn praktıkasy kútip tur.
II kezeń. 18-19 tamyzda elordada TEDx talks formatyndaǵy qorytyndy forým ótedi. Onda paneldik sesıalar, volonterlik qyzmet keńesi/pýly alańdary uıymdastyrylyp, delegattar sóz sóıleıdi. Kúnniń negizgi bóliginde 2022 jyly BBMDU-nyń qarary jarıalanyp, arnaıy sesıa ótedi.
Forým boıynsha barlyq materıaldardy myna silteme arqyly kórýge bolady. https://drive.google.com/drive/folders/19zgZwnJF83Z158aSsmqJ5d7PWr_wXP4x
BAQ-qa arnalǵan baılanys málimetteri:
Aqerke Berlibaı (PR menedjeri) + 7 702 911 8907
Instagram - https://www.instagram.com/qazvolunteer.kz/
Facebook - https://www.facebook.com/qazvolunteer