Krımınogendik jaǵdaıdyń jaı-kúıi týraly esep berildi.
Memleket basshysy Qasym-Jomart Toqaev İshki ister mınıstri Marat Ahmetjanovty qabyldady, dep habarlaıdy Almaty-akshamy.kz Aqordaǵa silteme jasap.
Prezıdentke elimizdegi krımınogendik jaǵdaıdyń jaı-kúıi týraly esep berildi. Qasym-Jomart Toqaevqa qaraqshylyq, mal urlyǵy, alaıaqtyq, onyń ishinde ınternet alaıaqtyǵy, sondaı-aq buryn sottalǵandardyń mas kúıinde, otbasylyq-turmystyq salada jáne toptasyp jasaǵan qylmystarynyń sany aıtarlyqtaı tómendegeni týraly baıandaldy.
Mınıstr Memleket basshysyna uıymdasqan qylmys pen esirtki bıznesine qarsy is-qımyl jóninde qabyldanyp jatqan sharalar týraly málimet berdi.
Prezıdent kámeletke tolmaǵandarǵa qatysty jáne otbasylyq-turmystyq saladaǵy qylmystyń aldyn alý jumystarynyń nátıjelerimen tanysty.
Marat Ahmetjanov Qasym-Jomart Toqaevqa ishki ister organdarynyń qyzmetin búrokratıadan aryltý, jumys úderisterin sıfrlandyrý jáne avtomattandyrý, ishki rásimderdi, sonyń ishinde memlekettik qyzmet kórsetý salasyn ońtaılandyrý jóninde baıandady.
Memleket basshysyna krımınogendik jaǵdaıǵa monıtorıń jasaıtyn İİM Ahýaldyq taldaý ortalyǵynyń múmkindikterin keńeıtý týraly aqparat berildi.
Sonymen qatar Prezıdentke Jol qozǵalysy erejelerin qasaqana buzatyndardy anyqtaýǵa baǵyttalǵan jańa júıe jumysynyń aldyn ala nátıjeleri týraly aıtyldy.
Kezdesý sońynda Memleket basshysy mınıstrge elimizdegi quqyqtyq tártip pen qoǵamdyq qaýipsizdik deńgeıin odan ári arttyrý jóninde birqatar tapsyrma berdi. Osy rette ınternet alaıaqtyǵy men qarjy pıramıdalaryna qarsy is-qımyl jónindegi sharalardy jandandyrý qajettigi atap ótildi.