Maındaǵy Frankfýrt qalasynda IMEX iskerlik týrızm salasyndaǵy iri jármeńkelerdiń birine Qazaqstan «Eýrazıa kindiginde kezdesińizder!» uranymen qatysty.
Bıyl kórmede iri týrısik agenttikterdiń, áýe kompanıalarynyń basshylary, jetekshi qonaq úı ıeleri men sarapshylar bas qosty, dep habarlaıdy Almaty-akshamy.kz Qazaqtv.com saıtyna silteme jasap.
90-nan astam elden 3 myńdaı adam keldi. Bıyl elimizdiń atynan jármeńkege otandyq týroperatorlar, meımanhana bıznesiniń ókilderi jáne uıymdastyrýshylar qatysty. Olar joǵary deńgeıdegi kongresterdi, kórmeler men samıtterdi ótkizýge daıyn ekenderin málimdedi.
"Mysaly, 2019 jyly Qazaqstan 12 halyqaralyq is-shara arqyly 6 mıllıon dollardan astam tabys tapty. Jaqyn arada osy kórsetkishterge taǵy jetemiz dep oılaımyn. Oǵan qosa elimizge kelý ońaı. Vıza boıynsha ǵana emes, Eýropa, Azıa elderi, basqa eldermen de áýe qatynasy ornatylǵan. Úshinshiden, bul, árıne, ınfraqurylymnyń qoljetimdiligi jáne onyń baǵasy máseleleri. Bizdiń saıttardy eýropalyq qalalarmen salystyrǵanda qoljetimdi baǵamen bron alýǵa bolady", - dedi «Kazakh Tourism» AQ týrısik ónimder damytý departamentiniń bas menedjeri Ǵalymjan Seıilov.
Shetel sarapshylarynyń aıtýynsha, Qazaqstan - iskerlik týrızm turǵysynan qolaıly el. Bıylǵy jyly birqatar sheteldik kompanıalar elimizde óz is-sharalaryn josparlap qoıǵan.
"Qazaqstanda bıznes ókilderi úshin konferensıa ótkizý josparymyzda bar. Biz 40 elden 200-deı qonaq kútemiz. Bul sharany Qazaqstanda ótkizýdi sheshtik, óıtkeni sizdiń elderińiz Eýropa men Azıa arasynda tamasha ornalasqan. Sondyqtan álemniń túkpir-túkpirinen kompanıalardy shaqyrý yńǵaıly. Aıta keteıik, tek EýroOdaqtan ǵana emes, AQSH-tan seriktesterimiz keledi. İskerlik kezdesýlerden bólek, Qazaqstannyń eń ádemi jerlerin aralaýdy kózdep otyrmyz", - deıdi atqarýshy dırektor Iesýs Djeı Moran.
Frankfýrttan bólek Qazaqstannyń týrısik áleýeti bıylǵy jyly álemniń ózge alańdary – Tokıo, Varshava men Londonda tanystyrylady.