Memleket Prezıdenti birqatar tapsyrma berdi.
Qazaqstan Prezıdenti Qasym-Jomart Toqaev Qarjylyq monıtorıń agenttiginiń tóraǵasy Janat Elımanovty qabyldady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaevqa Agenttiktiń kóleńkeli ekonomıkaǵa, qarjylyq pıramıdalarǵa jáne elden kapıtaldy jylystatýǵa qarsy kúres salasyndaǵy jumystardyń nátıjesi týraly baıandaldy.
Memleket basshysyna berilgen derekterge sáıkes jyl basynan beri 727 ekonomıkalyq quqyqbuzýshylyq anyqtalǵan jáne 67 mıllıard teńgeniń shyǵyny ótelgen.
Prezıdentke adal bızneske jasalatyn qysymdy joıý jónindegi tapsyrmasynyń oryndalý barysy týraly málimet berildi. Atap aıtqanda, Janat Elımanov quqyq qorǵaý organdaryna tán isterdi jalpy qozǵaý tájirıbesi joıylǵanyn málimdedi. Onyń aıtýynsha, qazirgi ýaqytta tirkeletin qylmystardyń sany jyl saıyn azaıyp kele jatqany baıqalady. Tergeý amaldarynyń merzimi 3 ese, aqtaý belgileri boıynsha toqtatylǵan ister sany úshten birge qysqarǵan. Nátıjesinde myńdaǵan azamat pen kásipker qylmystyq qýdalaýǵa ushyramaıtyn boldy. Sondaı-aq sottarǵa júginetin adamdardyń sany da aıtarlyqtaı azaıǵan.
Kezdesý sońynda Qasym-Jomart Toqaev kásipkerlerdiń quqyqtaryn múltiksiz qorǵaý qajet ekenine mán berip, Agenttik basshysyna birqatar tapsyrma berdi.