Qazaqstandaǵy jeti qant zaýytynyń tórteýi ǵana jumys istep tur.
Úkimettiń keńeıtilgen otyrysynda Memleket basshysy Qasym-Jomart Toqaev Saýda jáne ıntegrasıa mınıstri Baqyt Sultanov pen Aýyl sharýashylyǵy mınıstri Erbol Qarashókeevke sógis jarıalady, dep habarlaıdy Almaty-akshamy.kz Baq.kz.
Prezıdenttiń aıtýynsha, buryn iske qosylǵan jeti qant zaýytynyń qazirgi ýaqytta tórteýi ǵana jumys istep tur.
«Aýyl sharýashylyǵy mınıstrligi qyzylsha qantynyń úlesin 6 eseege, 2026 jylǵa qaraı 7-den 43%-ǵa ulǵaıtýdy josparlap otyr. Alaıda sońǵy 4 jylda qyzylsha qantynyń aýmaǵy úsh esege qysqarǵan. Biz 90% ımporttyq qantqa táýeldimiz. Bul jerde EAEO aıasynda sheshimge júginýge bolady. Biraq qalaı bolǵan kúnniń ózinde bul Úkimettiń esepten kúrdeli jańylysy», - dep atap ótti Memleket basshysy.
Sonymen qatar ol Úkimet memlekettiń pozısıasyn qorǵamaǵandyǵyn aıtty.
«Demek, memlekettiń pozısıasy qorǵalmaǵan. Sondyqtan men mınıstr Baqyt Sultanov pen Erbol Qarashókeevke sógis jarıalaımyn», - dedi Qasym-Jomart Toqaev.