Qazan aıynda bes kúndík jūmys kestesímen eńbek etetín qazaqstandyqtar toǵyz kún demalady, dep habarlaıdy Aqshamnews.kz tílshísí.
Kúzdíń ekínshí aıynda ūlttyq mereke - Respublıka kúní atap ótíledí. Būl mereke 25 qazanǵa belgílengen jáne bıyl senbíge sáıkes keledí. Eńbek zańnamasyna saı, demalys kúní jūmys kúníne auystyrylatyndyqtan, qosymsha demalys dúısenbíge auysady. Osylaısha bes kúndík jūmys aptasyndaǵy azamattar qatarynan úsh kún - 25, 26 jáne 27 qazanda demalatyn bolady.
Aıta keteıík, 1990 jyldyń 25 qazanynda Qazaq KSR-íníń memlekettík egemendígí turaly deklaratsıya qabyldanyp, Qazaqstannyń táuelsíz memleket retíndegí sayası-qūqyqtyq negízderí jarıyalanǵan edí.
Respublıka kúní alǵash ret 1995 jyly ūlttyq mereke retínde bekítílgenímen, 2009 jyldan bastap toılanbaı kelgen. 2022 jyldyń qyrkúıegínde prezıdent Qasym-Jomart Toqaev qol qoıǵan zańǵa sáıkes, 25 qazan qaıtadan ūlttyq mereke - Respublıka kúní bolyp belgílendí.