Almaty qalasy PD men qaladaǵy qonaq úı keshenderiniń basshylary arasynda yntymaqtastyq týraly memorandýmdar jasaldy
Almaty polısıasy qonaq úı keshenderimen jasóspirimderge qatysty kelisimge otyrdy, – dep habarlaıdy Almaty-akshamy.kz Polisia.kz-ke silteme jasap.
Almaty PD kámeletke tolmaǵandarǵa bólme bermeý týraly qonaq úı keshenderimen kelisimge otyrdy.
– Kámeletke tolmaǵandardyń quqyqtary men zańdy múddelerin qorǵaý, sondaı-aq kámeletke tolmaǵandarǵa jynystyq qol suǵylmaýshylyqqa qarsy qylmystardyń aldyn alý jáne boldyrmaý salasyndaǵy yntymaqtastyqty damytý maqsatynda Túrksib aýdanyndaǵy qonaq úı keshenderiniń basshylarymen kezdesý ótti. Onyń nátıjesinde Almaty qalasy PD men qaladaǵy qonaq úı keshenderiniń basshylary arasynda yntymaqtastyq týraly memorandýmdar jasaldy. Osy kelisim aıasynda qonaq úı keshenderi kámeletke tolmaǵandarǵa bólme bermeıtin bolady. Tirkeý kezinde árqashan jeke basyn kýálandyratyn qujattardy surańyz, sondaı-aq kámeletke tolmaǵandardyń (zańdy ókilderiniń erip júrýinsiz), jaqyn týystary bolyp tabylmaıtyn adamdarmen (senimhatsyz) qonaq úı keshenine kelý jáne kámeletke tolmaǵandarǵa qatysty basqa da zańsyz derekter týraly ishki ister organdaryna dereý habarlańyz, – dedi Almaty qalalyq PD ıývenaldy polısıa bóliminiń bastyǵy Janna Shonjanova.
Vedomstvonyń habarlaýynsha, is-shara profılaktıkalyq sıpatqa ıe jáne qyzmet kórsetý jumysshylaryn qabyldanǵan sharalarmen tanystyrýǵa baǵyttalǵan. Inspektorlar túsindirme jumystaryn júrgizip, osyndaı jaǵdaılar oryn alǵan kezde áreket etý algorıtmin aıtty.