Prezıdent «Tatneft» JAQ bas dırektory Naıl Maganovty qabyldady, dep habarlaıdy almaty-akshamy.kz Aqordanyń baspasóz qyzmetine silteme.
Memleket basshysyna Qazaqstan Respýblıkasynda birlesken jobalardy júzege asyrý perspektıvasy týraly málimet berildi.
Atap aıtqanda, «Tatneft» Atyraý oblysynda býtadıen jáne odan ónim óndirýge baǵyttalǵan munaı-gaz hımıasy salasyndaǵy strategıalyq ınvestısıalyq jobany júzege asyryp jatyr. Atalǵan kásiporyn «QazMunaıGaz» ulttyq kompanıasymen Qazaqstannyń batys óńirindegi kómirsýtegi qorlaryn barlaý jáne óndirý jobalary aıasynda yntymaqtastyq ornatqan. Budan bólek, «Tatneft» qatty paıdaly qazbalar kenin birlese ıgerý isine atsalysyp jatyr.
Qasym-Jomart Toqaev «Tatneft» kompanıasynyń Qazaqstanda munaı-gaz jáne taý-ken ónerkásibin damytý jónindegi bastamalaryn joǵary baǵalap, atalǵan kásiporyn elimizdiń energetıka salasyndaǵy strategıalyq seriktesterdiń biri ekenin atap ótti.