Mektep jasyndaǵy bala «Otbasynyń sıfrlyq kartasynda» mektepke barmaıtyn retinde tirkelgen
Qaraǵandy oblysynyń prokýratýrasy kámeletke tolmaǵan balany saýdalaý faktisi boıynsha tergeýdi bastady, dep habarlaıdy almaty-akshamy.kz.
Prokýratýra kámeletke tolmaǵan balany saýdalaý faktisi boıynsha sotqa deıingi tergeýdi bastaýǵa bastamashylyq jasady. Mektep jasyndaǵy balanyń «Otbasynyń sıfrlyq kartasynda» mektepke barmaıtyn retinde tirkelgeni anyqtaldy.
Tekseris kórsetkendeı, qujattar boıynsha bala 2011 jyly Qaraǵandy qalasynyń oblystyq perınataldyq ortalyǵynda jańa týǵan náreste kezinde qaldyrylyp, keıin Osakarov aýdanyndaǵy «Pıonerskıı» balalar úıine tapsyrylǵan.
Prokýratýra bul aqparattyń shyndyqqa sáıkes kelmeıtinin, balanyń is júzinde joǵalyp ketkenin jáne onyń qaıda júrgeni belgisiz ekenin anyqtady.
Osakarov aýdany prokýrorynyń nusqaýy boıynsha QR Qylmystyq kodeksiniń 135-baby («Kámeletke tolmaǵandardy saýdalaý») faktisi boıynsha sotqa deıingi tergep-tekserý bastaldy.