55 ferma qyzmetin ózdiginen toqtatty.
QR Prezıdenti Qasym-Jomart Toqaevtyń maınıng fermalary boıynsha bergen tapsyrmasy oryndaldy, dep habarlaıdy Almaty-akshamy.kz Prezıdenttiń baspasóz qyzmetine silteme jasap.
Qasym-Jomart Toqaev: «Barlyq maınıng fermalaryn anyqtap, salyq jáne keden máselelerin tekserý, sonymen qatar sharttardyń berilýine negiz bolǵan tehnıkalyq talaptar men qyzmettiń basqa da aspektilerin zertteý qajet», - degen bolatyn.
Memleket basshysynyń tapsyrmasy boıynsha 51 maınıng fermanyń zańsyz qyzmetine tosqaýyl qoıyldy, 55 ferma qyzmetin ózdiginen toqtatty;
- tehnıkalyq talaptarsyz olardyń energıa qýaty kózderine zańsyz qosylý, arnaýly ekonomıkalyq aımaqtardyń aýmaǵynda ruqsatsyz ornatylý, sondaı-aq salyq jáne keden tólemderinen jaltarý derekteri anyqtaldy;
- 25 qylmystyq is qozǵalyp, quny 100 mıllıard teńge bolatyn 67 myńnan astam qural-jabdyq tárkilendi;
-qabyldanǵan sharalar elimizdegi elektr qýatyn tutynýdy 600 megavatqa deıin tómendetýge múmkindik berdi;
- maınıng pen sıfrlyq aktıvterdi normatıvtik retteý isi qatańdatyldy.