Maqsat bul máseleniń aldyn alý.
2022 jylǵy 25 naýryz kúni saǵat 15.00-de Almaty qalasy Qazaqstan Respýblıkasy Ulttyq kitaphanasy ǵımaratynda Almaty qalasy ákimdigi men «Senimen bolashaq» respýblıkalyq ata-analar qoǵamdyq birlestiginiń uıymdastyrýymen «Bala tárbıesi – býllıng jáne otbasyndaǵy zorlyq-zombylyq» taqyrybyndaǵy dóńgelek ústeli ótti, dep habarlaıdy Almaty-akshamy.kz.
Sharaǵa Qazaqstan Respýblıkasy Parlament Senatynyń depýtattary Dınar Nóketaeva, Dana Nurjigit, Qazaqstan Respýblıkasy Parlamenti Májilis depýtaty Irına Smırnova, «Senimen Bolashaq» respýblıkalyq ata-analar qoǵamdyq birlestiginiń quryltaıshysy, mesenat, qoǵam qaıratkeri Nurken Asanov, uıym tóraǵasy Rahymbek Jolaev jáne bala quqyǵyn qorǵaý jónindegi zańger, pedagog, psıholog, Almaty qalasyndaǵy bilim berý uıymdarynyń ata-analar komıteti men qamqorshylyq keńes músheleri jáne kásibı mamandar qatysty.
Dóńgelek ústel maqsaty otbasyndaǵy býllıng jáne zorlyq-zombylyq taqyrybyndaǵy máselelerdi talqylaý, aldyn alý boıynsha birlesip jumys júrgizý.
Sonymen qatar, jınalǵan qaýym «Senimen Bolashaq» respýblıkalyq ata-analar qoǵamdyq birlestigi Almaty qalasy boıynsha fılıalynyń ashýlyna qatysyp, ózderiniń usynys-pikirlerin ortaǵa saldy.
Aıta keteıik, qazirgi tańda respýblıkalyq ata-analar uıymy elimizdiń Shyǵys Qazaqstan, Pavlodar, Túrkistan, Qyzylorda, Mańǵystaý, Atyraý, Jambyl oblystary men Nur-Sultan, Almaty, Shymkent qalalarynda 10 fılıalyn ashylyp, 15 myńnan astam múshesi, aýdan, qalalarda ókildikteri jumys atqarýda.
