Kezekten tys prezıdent saılaýyna 1 aı 10 kúndeı ýaqyt qaldy.
Qazannyń 11 kúni QR Prezıdenttigine kandıdat usynýǵa berilgen ýaqyt túgesilgen bolatyn. Úmitker atanyp úlgergen adamnyń sany – 12. Onyń úsheýi - áıel. Táýelsiz Qazaqstan tarıhynda tuńǵysh ret úsh birdeı áıel kandıdat prezıdent saılaýyna qatysýǵa nıet bildirip otyr, dep habarlaıdy Almaty-akshamy QazAqparatqa silteme jasap.
Ortalyq saılaý komısıasy úmitkerlerdiń talapqa sáıkestigin anyqtaý otyrystaryn ótken aptanyń demalys kúnderi bastap ketken bolatyn.
Áýeli qazirgi Prezıdent Qasym-Jomart Toqaevtyń kandıdat retinde talaptarǵa sáıkestigi týraly qaýly qabyldandy. Ortalyq saılaý komısıasy zań aıasynda quzyretti organdarǵa suraý salý arqyly Qasym-Jomart Kemeluly Toqaevtyń týmysynan Qazaqstan Respýblıkasynyń azamaty ekenin belgilep, keıingi 69 jyl boıy Qazaqstanda turǵan degen málimetti tirkedi. Al memlekettik qyzmettegi jáne saılanbaly memlekettik laýazymdardaǵy jumys tájirıbesi – 43 jyl 1 aı. Ózge kandıdattardan bir aıyrmashylyǵy, Qazaqstan Respýblıkasyndaǵy "Saılaý týraly" Konstıtýsıalyq Zańnyń 54-babynyń 2-tarmaǵy boıynsha, qazirgi Memleket basshysy retinde memlekettik tilden emtıhan tapsyrýdan bosatylǵan.