Qasym-Jomart Toqaev Qostanaı oblysyna jumys saparymen bardy.
Qasym-Jomart Toqaev Qostanaı oblysyna jumys sapary barysynda, eń aldymen Rýdnyıdaǵy jylý qubyryndaǵy jarylys saldarymen tanysty, dep habarlaıdy Almaty-akshamy.kz Aqordaǵa silteme jasap.
Memleket basshysy óńir basshylyǵynyń qalpyna keltirý jumystary týraly baıandamasyn tyńdady.
«Jalpy, elimiz boıynsha da, osy oblysta da jylý qubyrlary apatty jaǵdaıda tur. Jaǵdaı óte aýyr. Úkimetke búginnen bastap, ásirese, kóktem jáne jaz aılarynda qysqy jylytý maýsymyna muqıat daıyndalýdy tapsyramyn. Bul – atqaratyn basty mindet, sebebi muny sozbalańǵa salýǵa bolmaıdy. Jelilerdiń tozý deńgeıi óte joǵary, 70, 80, keıbir jerlerde tipti 90 paıyzǵa deıin jetedi. Osy jumystarmen aınalysý qajet», - dedi Prezıdent.