Polıseıler meıramhanalar, barlar men táýlik boıy jumys isteıtin dúkenderdi tekserdi.
Medeý aýdandyq polısıasynyń málimetinshe, túnde 14 oıyn-saýyq orny tekserildi, dep habarlaıdy Almaty-akshamy.kz inbusiness.kz saıtyna silteme jasap.
Mundaı is-shara negizinen demalys kúnderi, júıeli túrde júrgiziledi. On kafe, meıramhana, bar, eki kompúterlik klýb, sondaı-aq táýlik boıy jumys isteıtin eki dúkende jergilikti reıdter júrgizildi.
«Atalǵan túngi mekemelerdiń 17 ákimshisi men basshysyna qatysty QR ÁQbK-niń 441-baby 3-bóligi boıynsha ákimshilik hattamalar jasalyp, atalǵan bardyń klıentteriniń arasynan taǵy jeti adam QR ÁQbK-niń 441-baby 1-bóligimen ákimshilik jaýapkershilikke tartyldy. Sondaı-aq kompúterlik klýbtardyń birinde saǵat 23.00-den keıin kámeletke tolmaǵan jasóspirim anyqtaldy. Atalǵan mekeme menedjerine qatysty QR ÁQbK-niń 442-baby 4-bóliginde kózdelgen quqyq buzýshylyq deregi boıynsha ákimshilik materıal jınaldy», - dedi Medeý aýdandyq polısıa basqarmasynyń bastyǵy, polısıa polkovnıgi İlıas Ómirserikov.
Buǵan deıin Almaty qalalyq PD, 9 oıyn-saýyq mekemesi ornalasqan úıge polısıa qyzmetkerleriniń 300-den astam ret barǵanyn aıtty.
Eske salaıyq, másele Tólebaev pen Qabanbaı batyr kósheleriniń qıylysyna jaqyn jerde ornalasqan klýbtar men barlar týraly bolyp otyr.
«102» púltine 300-den astam sıgnal kelip tústi, olarǵa patrúldik polısıa men ýchaskelik ınspektorlar dereý áreket etedi. Qabyldanǵan sharalardyń nátıjesinde atalǵan mekemelerdiń ákimshiligi men kelýshilerinen 901 adam túrli quqyq buzýshylyqtar jasaǵany úshin jaýapkershilikke tartyldy.