Aýyl sharýashylyǵy salasyndaǵy yqpaldastyqty damytý kerek - Memleket basshysy.
Qazaqstan Prezıdenti Qasym-Jomart Toqaev memleketterimizdiń agrarlyq áleýetin tıimdi paıdalaný kerektigin aıtty. Sonda elderimizdiń azyq-túlik qaýipsizdigin aıtarlyqtaı nyǵaıady. Bul týraly QR Prezıdenti birinshi «Ortalyq Azıa – Qytaı» samıtinde málim etti, dep habarlaıdy Almaty-akshamy.kz.
«Qazir jahandyq azyq-túlik naryǵy jıi qubylyp tur. Sondyqtan biz osy saladaǵy yntymaqtastyqty nyǵaıta túskenimiz jón. Qazaqstan agroónerkásip ónimderiniń eksportyn arttyrýǵa jáne onyń túrin kóbeıtýge múddeli. Elimiz bıdaı jáne un óndiretin álemdegi eń iri on eldiń qataryna kiredi. Jyl saıyn 5 mıllıon tonnadan astam bıdaı men 1,5 mıllıon tonna un eksporttaımyz. Sharýalarymyz syrtqa shyǵarylatyn dándi jáne maıly daqyldardyń kólemin arttyrýǵa daıyn. Olar ekologıalyq jaǵynan taza ári joǵary surypty et pen organıkalyq ónimderdi de kóptep jetkize alady. Esesine, baý-baqsha ónimderi men azyq-túlik taýarlaryn turaqty satyp alýǵa múddelimiz. Biz memleketterimizdiń agrarlyq áleýetin tıimdi paıdalanýymyz kerek. Sonda elderimizdiń azyq-túlik qaýipsizdigin aıtarlyqtaı nyǵaıtamyz. Bul qadam bárimizdiń múddemizge saı keledi. Osy rette men «Qorǵas» halyqaralyq saýda ortalyǵynda Birlesken azyq-túlik habyn qurýdy usynamyn. Agroónerkásip salasynda sıfrlyq jáne «jasyl» tehnologıalardy engizý máselesine basa mán bergen jón. Bul iste qytaılyq seriktesterimizdiń tájirıbesi men múmkindigi asa qajet», - dep atap ótti Memleket basshysy.