Bul týraly QR Prezıdenti Qasym-Jomart Toqaevtyń birinshi «Ortalyq Azıa – Qytaı» samıtinde málim etti, dep habarlaıdy Almaty-akshamy.kz
«Kólik-logıstıka ınfraqurylymyn damytýymyz qajet. On jyl buryn Astanada Sı Szınpın myrza «Bir beldeý – bir jol» bastamasyn usynǵan bolatyn. Sodan beri osy aýqymdy jobanyń tıimdiligine jáne qajettigine búkil álem kóz jetkizdi. Bul megajoba Uly Jibek jolyn jańǵyrtý isine yqpal etti. Sondaı-aq, kóptegen elde zamanaýı kólik ınfraqurylymyn salý jumysyn jandandyrdy. Qazaqstan – Qytaıdyń jaqyn kórshisi ári senimdi seriktesi. Sondyqtan, «Bir beldeý – bir jol» jobasyna atsalysa beredi. Osy oraıda, Qazaq-qytaı shekarasynda úshinshi temir jol ótkelin ashý mańyzdy qadam bolmaq», - dedi Qasym-Jomart Toqaev.
Prezıdent ónerkásip salasyndaǵy yntymaqtastyqty nyǵaıtýdy usyndy.
«Bul sala Ortalyq Azıanyń ekonomıkalyq damýyna berik tuǵyr bola alady. Aımaqtaǵy elder birlesip, sońǵy jyldary birqatar iri jobany júzege asyryp jatyr. Bul – qýanyshty jaǵdaı. Oǵan Qytaıdyń atsalysýy jobalardyń tabysty bolýyna septigin tıgizeri anyq. Men Ortalyq Azıa men Qytaıdyń ónerkásip salasyndaǵy yntymaqtastyǵyn damytý josparyn ázirleýdi usynamyn. Bul jospardy aımaqtaǵy barlyq eldiń ereksheligi men suranysyn eskere otyryp jasaǵan jón», - dep atap ótti Memleket basshysy.