«Ortalyq Azıa – Qytaı» samıtinde Prezıdent Qasym-Jomart Toqaev ekologıa máselesin kóterdi.
Ol transshekaralyq sý resýrstaryn tıimdi paıdalaný kerektigine nazar aýdardy, dep habarlaıdy Almaty-akshamy.kz.
«Ortalyq Azıa elderiniń tushshy sý tapshylyǵyna ushyraý qaýpi joǵary ekeni belgili. 2050 jylǵa qaraı 5 mıllıardtan astam adam aýyz sýǵa muqtaj bolýy múmkin. Bul – Birikken Ulttar Uıymynyń deregi. Sarapshylar bizdiń aımaǵymyzdyń tez jylynyp bara jatqanyn aıtyp otyr. Klımattyń ózgerýine baılanysty bizdiń aımaqtyń basty sý kózi sanalatyn muzdyqtar da kúrt azaıyp barady. Osy jaǵdaı Ortalyq Azıanyń azyq-túlik, energetıka jáne ekologıa qaýipsizdigine edáýir qater tóndiredi. Sondyqtan birlesip shuǵyl sharalar qabyldaýymyz qajet», - dedi Memleket basshysy.