Prezıdent Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sesıasynda «Qazaqstan-2050» strategıasyn» túbegeıli qaıta qaraýdy usyndy, -dep habarlaıdy Almaty-akshamy.kz QazAqparat-qa silteme jasap.
Sondaı-aq, shalǵaıdaǵy aýyl turǵyndaryna osy ıgiliktiń bári qoljetimdi bolady. Ol úshin memlekettik qyzmet, memlekettik statısıka jáne memleket kórsetetin qyzmetter týraly zańdarǵa ózgertýler engizý qajet», - degen Memleket basshysy memlekettik josparlaý júıesin jańǵyrtý máselesine jeke toqtaldy.
«Sońǵy jyldary álemde teńdessiz geosaıası, ekonomıkalyq jáne tehnologıalyq ózgerister boldy. Osyǵan oraı, bizdiń keıbir strategıalyq qujatymyz ózektiligin joǵaltty. Sondyqtan «Qazaqstan – 2050» strategıasyn» túbegeıli qaıta qaraý qajet. Iaǵnı, bul qujatty qazirgi jahandyq úderisterdi eskere otyryp, el damýynyń uzaq merzimge arnalǵan basymdyqtaryn aıqyndaıtyn strategıaǵa aınaldyrý kerek. Jalpy, kez-kelgen jumys muqıat josparlanýy kerek. Sonda memlekettik saıasat strategıalyq sıpatqa ıe bolady jáne turaqty júzege asyrylady. Sonymen birge elimiz kez kelgen syn-qaterge tótep bere alady», - dedi Qasym-Jomart Toqaev.