Onda 680-nen astam bos jumys orny usynylady.
Jármeńkege elimizdiń túrli óńirlerinen "Almaty aýyr mashına jasaý zaýyty" AQ, "KSP Steel" JSHS, "Remstroıtehnıka" AQ, "KAZ Minerals Aktogay" JSHS jáne basqa da 20-dan astam iri jumys berýshi qatysady, dep habarlaıdy Almaty-akshamy.kz
Enbek.kz elektrondyq eńbek bırjasy alańynda taý-ken óndirý jáne óńdeý ónerkásibi kásiporyndarynyń bos jumys oryndarynyń respýblıkalyq onlaın-jármeńkesi bastaldy.
Jármeńke barysynda jumys berýshiler óz kompanıalarynyń onlaın-tanystyrylymyn ótkizedi, qolda bar bos jumys oryndaryn usynady jáne eń qolaıly kandıdattardyń jeke bazasyn qalyptastyrady.
Ótinish berýshiler óz kezeginde uıymdardyń HR menedjerlerimen sóılese alady, áńgimelesýden ótip, olarǵa qyzyqtyrǵan suraqtaryn qoıa alady, sondaı-aq "Synaq merzimin qalaı sátti ótýge bolady" jáne "Jumysqa basqa úmitkerlerden qalaı erekshelenýge bolady" vebınarlaryna qatysa alady.
İs-sharaǵa qatysý úshin EEB portalyndaǵy Tanda.Enbek arnaıy bólimine kirý kerek, onda jumys izdeýshiler jumys berýshiler týraly qysqasha aqparatpen tanysyp, qoljetimdi bos jumys oryndaryn qarap, olarǵa jaýap bere alady.