Memleket basshysy Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sesıasynda Premer-Mınıstrdiń kandıdatýrasyn saılaýda jeńiske jetken «Amanat» partıasy usynatynyn aıtty, -dep habarlaıdy Almaty-akshamy.kz QazAqparat-qa silteme jasap.
«Men Premer-mınıstrdiń kandıdatýrasyn saılaýda jeńiske jetken partıa Memleket basshysyna usynýǵa quqyly dep aıttym. Osy rette, saıası jaýapkershilik te sol partıaǵa júkteledi», - dedi Memleket basshysy.
Memleket basshysynyń aıtýynsha, bul tásil «kúshti Prezıdent – yqpaldy Parlament – esep beretin Úkimet» tujyrymdamasyna saı keledi.
«Úkimet áleýmettik-ekonomıkalyq reformalardy iske asyrýǵa tıis. Bolashaqta Úkimettegi jáne aımaqtardaǵy basshylyq qyzmetterge túrli partıa ókilderin tartqan jón. Ol úshin saıası partıalardyń kadrlyq rezervin jasaqtaýdy usynamyn. Sondaı-aq, ókildi jáne atqarýshy bıliktiń qarym-qatynasy jańasha sıpatqa ıe bolady», - dedi Qasym-Jomart Toqaev.