Memleket basshysyn Qurmet qaraýyly sap túzegen Beıjiń áýejaıynda QHR Ónerkásip jáne aqparat mınıstri Szın Chjýanlýn jáne basqa da laýazymdy tulǵalar saltanatpen qarsy aldy.
Eki kúndik resmı sapar barysynda Prezıdent Qasym-Jomart Toqaev QHR Tóraǵasy Sı Szınpınmen, QHR Memlekettik keńesiniń Premeri Lı Sánmen jáne Búkilqytaılyq halyq ókilderi jınalysy Turaqty komıtetiniń tóraǵasy Chjao Leszımen kelissózder júrgizedi, sondaı-aq joǵary deńgeıdegi «Bir beldeý, bir jol» bastamasynyń III forýmyna qatysady.
Sonymen qatar Qasym-Jomart Toqaev Beıjiń Til jáne mádenıet ýnıversıtetiniń aýmaǵynda ornatylǵan Ábý Nasyr Ál-Farabı bústin saltanatty túrde ashady.
Budan bólek, sapar aıasynda Qytaıdyń iri kompanıalary basshylarymen birqatar kezdesý ótkizedi.
@ptrkk