Turǵyndardyń tilegin oryndaý: Naýryzbaı aýdanynda buryn-sońdy bolmaǵan aryq júıesi salynyp jatyr, dep habarlaıdy almaty-akshamy.kz
Qazirgi kezde Almaty qalasy Naýryzbaı aýdanynyń 5 kóshesinde buryn-sońdy bolmaǵan aryq jelisiniń qurylysy qolǵa alynǵan. Buǵan aýdan turǵyndary ótinim bergen, sonymen qatar, únemi sý basatyn aýmaqtarǵa monıtorıń júrgizilgen.
Jelilerdiń jalpy uzyndyǵy 5 shaqyrym. Bul jumysqa tórt brıgada jumyldyryldy. Qurylys jumystary Bereke, Erýbaev, Aral, Nadyrov kóshelerinde, sonymen birge «Alma Sity» TÚK E4 bóliginde júrgizilip jatyr. Al Qulybekov pen Sabdenov kóshelerinde aryqtardy qaıta jańartylyp otyr. Bul kóshelerdegi jumystar qazirdiń ózinde belsendi túrde júzege asyrylyp keledi.
Bolashaqta Naýryzbaı aýdanynyń taǵy 10 kóshesinde aryq jelisiniń qurylysyn osy jyldyń sońyna deıin aıaqtaý josparǵa engen. Bul jumystar 2023 jylǵa deıin bitedi. Qurylysty aıaqtaý josparlanǵan aýmaqtardyń ishinde Aqanov, Bekeshev jáne Karernaıa kóshesin ataýǵa bolady.
Esterińizge sala keteıik, 2023 jyldyń 10 qazanynan bastap Almaty ákimdiginiń qalada túrli qurylys-jóndeý jumystaryn júrgizý kezinde nóser kárizin jabdyqtaý qajettiligi týraly qaýlysy kúshine endi. Oǵan sáıkes kóshe-jol jelisin salý, rekonstrýksıalaý, kúrdeli jáne ortasha jóndeý jónindegi jumystardy júrgizý kezinde ınjenerlik komýnıkasıalardy salýdan, rekonstrýksıalaýdan jáne jóndeýden keıin qalpyna keltirý jumystary kezinde nóser kárizin jaılastyrý kózdeledi.