Ótken jyly 2021 jyly 130 myńǵa jýyq otbasynyń baspana satyp alǵan
Memleket basshysyna holdıńtiń byltyrǵy atqarǵan jumystary men aldaǵy kezeńge arnalǵan jospary týraly aqparat berildi, dep habarlaıdy Almaty-akshamy.kz Aqordaǵa silteme jasap.
Qanat Sharlapaevtyń aıtýynsha, 2021 jyly 37 iri jobaǵa 533,2 mıllıard teńge kóleminde qoldaý kórsetilgen jáne 7 joba iske qosylǵan. 57,4 myń shaǵyn jáne orta bıznes sýbektisine 2,2 trıllıon teńge kóleminde qarjylaı kómek berilgen. Sonymen qatar otandyq taýar eksporttaýshylardy qoldaý úshin 236,8 mıllıard teńge bólingen.
Prezıdentke usynylǵan málimetterge sáıkes, agroónerkásip keshenin damytý baǵdarlamasy aıasynda jalpy quny 464,2 mıllıard teńge bolatyn 26 myńnan astam qaryz berilgen.
Qasym-Jomart Toqaevqa 2021 jyly 130 myńǵa jýyq otbasynyń baspana satyp alǵany nemese turǵyn úı jaǵdaılaryn jaqsartqany jóninde baıandaldy. Sonymen qatar bıylǵy 1 qańtardaǵy málimet boıynsha, 458 myń salymshy 1,97 trıllıon teńgeden astam qarjy kóleminde birjolǵy zeınetaqy tólemderin paıdalanǵan.
Qanat Sharlapaev Memleket basshysynyń «Qazaqstan damý banki» aksıonerlik qoǵamyn reformalaý jáne onyń menedjment quramyn ózgertý jóninde bergen tapsyrmalarynyń júzege asyrylýy týraly egjeı-tegjeıli baıandady.
Budan bólek Qasym-Jomart Toqaevqa mıkro jáne shaǵyn kásipkerlikti damytý, halyqtyń áleýmettik jaǵdaıy tómen toptary úshin páter jaldaý aqysynyń bir bóligin sýbsıdıalaý tetigin engizý jónindegi holdıńtiń bıylǵy jylǵa arnalǵan jospary týraly málimet berildi. Kezdesý barysynda jumys oryndaryn ashýǵa baǵyttalǵan memlekettik qoldaý sharalaryn keńeıtý máselesi de talqylandy.