Demalýshylar ony beınejazbaǵa túsirip aldy.
Onyń beınejazbasy áleýmettik jelide tarady. Beınejazbadan qar barysynyń alańsyz joǵary shyǵyp bara jatqanyn kórýge bolady. Kólik ishinde otyrǵan kýágerlerdiń tańǵalysynda shek joq, dep habarlaıdy Almaty-akshamy.kz
«Shymbulaq, qar barysy. Mássaǵan, ne degen ádemi!» - dep tańǵaldy kýágerlerdiń biri.
İle Alataýy memlekettik ulttyq tabıǵı parki ókilderiniń aıtýynsha, týrıserdiń túsirgen beınejazbasy sırek kezdesetin oqıǵa.
«Shymbulaq shatqalynda týrıser túsirgen qar barysynyń beınejazbasy kópshiliktiń nazaryn aýdaryp, qyzyǵýshylyǵyn týdyrdy. Barys naq osy túsirilim bolǵan jerde turaqty mekendemeıdi. Onyń bul aımaqqa kelýi qoregi sanalatyn tuıaqty janýarlardyń (elik, sibir taýeshkisi, t.b.) mıgrasıasyna tikeleı baılanysty bolýy múmkin», - dep habarlady İle Alataýy MUTP Ǵylymı zertteý jumystary jáne taýly agrobıoártúrlilik bóliminen.