Partıanyń kezekten tys sezinde Prezıdent Qasym-Jomart Toqaev partıadan shyǵatyny, sondaı-aq, oǵan tóraǵalyq etýden bas tartatynyny týraly málimdedi. Memleket basshysy tóraǵalyqty Májilis spıkeri Erlan Qoshanovqa tapsyrdy.
Buǵan deıingi jıyndarda da Memleket basshysy elimiz sýperprezıdenttik bıleý formasynan túbegeıli alystaıtynyn aıtqan bolatyn. Búginde sol messedj oryndala bastaǵanyna kýámiz. Prezıdenttiń aıtýynsha, bul ózgeris partıalyq-saıası salanyń jańǵyrýy men qoǵam rólin arttyrýǵa túrtki.
Atalǵan sheshimin Qasym-Jomart Toqaev bylaı túsindirdi: «Prezıdent eshbir partıaǵa basymdyq bermegeni jón, ıaǵnı saıası turǵydan beıtarap bolýy qajet. Bul – meniń aıqyn ustanymym».
Prezıdent pikirinshe, mundaı qaǵıda saılaýǵa qatysatyn barlyq kúshterge teń, birdeı múmkindik beredi, sondaı-aq, saıası júıede ádildik ornaýyna túrtki bolady: partıa atqarýshy bılikke táýeldi bolmasa, oǵan degen halyqtyń senimi nyǵaıyp, bedeli artady.
Sondaı-aq, Memleket basshysy endigi ýaqytta saılaýshylar daýysy úshin básekelestik kúsheıetinin aıtty. Saıası prosestiń dınamıkasy men mazmuny ózgeredi. Partıalyq qozǵalystaǵy birden-bir ózgeris - Adal partıasynyń Amanat-pen birikkeni.