Memleket basshysy Qasym-Jomart Kemeluly Toqaev elimiz basqarýdyń sýperprezıdenttik formasynan túbegeıli bas tartatyndyǵyn, Parlamenttiń, máslıhattardyń ókilettikterin kúsheıtip, partıalyq-saıası sala jańǵyrtylatynyn atap ótti.
Endi saılaýshylardyń daýysy úshin básekelestik barynsha ótkirlene túsedi. Sonymen qatar ADAL saıası partıasynyń AMANAT partıasyna qosylý máselesi qaralyp, Saıası keńes quramyna ózgertýler engizildi.
Jalpy qazir partıalyq júıede belsendi saıası partıalardyń kúsheıýge bet ala bastaǵanyn baıqaımyz. Onyń bir mysaly ADAL partıasynyń AMANAT partıasyna qosylý týraly sheshimi. Partıalardyń nyǵaıý úderisin qoldaý qajet, ol azamattyq qoǵamǵa, partıalar, qarapaıym azamattar men memlekettik qurylymdar arasyndaǵy dıalogtyń tıimdiligine oń áser etedi.
Partıalar saılaýshylar úshin kúres barysynda turǵyndardyń problemalaryna jyldam jaýap berýge, olardy sheshý joldaryn usynyp, jarıalanǵan sharalardyń oryndalýyna umtylady. Biz de AMANAT fraksıasynyń múshesi jáne máslıhat depýtaty retinde elimizdiń damýy jolynda aıanbaı eńbek etemiz.