Memleket basshysy Astanadaǵy kópqabatty úıde bolǵan órt kezinde erlik kórsetken jáne birneshe adamnyń ómirin qutqarǵan elordalyq órt sóndirýshilerdi Qazaqstan Respýblıkasynyń memlekettik nagradalarymen marapattaý týraly Jarlyqqa qol qoıdy.
Bul týraly Almaty-akshamy.kz Aqordanyń resmı saıtyna silteme jasap habarlaıdy.
Qyzmettik boryshyn atqarý kezinde kórsetken batyldyǵy men janqıarlyǵy úshin Tótenshe jaǵdaılar mınıstrligi Astana qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti jedel kezekshisiniń kómekshisi Asqar Zabıkýlın I dárejeli «Aıbyn» ordenimen, Tótenshe jaǵdaılar mınıstrligi Astana qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti №10 órt sóndirý bóliminiń bólimshe komandıri Aıan Kempirov III dárejeli «Aıbyn» ordenimen marapattaldy.
Zabıkýlın Asqar Serikuly – azamattyq qorǵanys kapıtany.
1994 jyly 5 qańtarda Aqmola oblysy Eńbekshilder aýdany Kazgorodok aýylynda týǵan.
QR İİM TJK Kókshetaý tehnıkalyq ınstıtýtyn támamdaǵan.
Eńbek jolyn «Qaraqótkel» ÓB-9 órt sóndirý postynyń qaraýyl basshysy retinde bastaǵan.
Tótenshe jaǵdaılar mınıstrligi Astana qalasy Tótenshe jaǵdaılar departamenti órt sóndirý jáne avarıalyq-qutqar jumystary qyzmeti jedel kezekshisiniń kómekshisi laýazymyna 2021 jyly taǵaıyndalǵan.
Kempirov Aıan Almatuly – azamattyq qorǵanys aǵa serjanty.
1988 jyly 5 mamyrda Qostanaı qalasynda týǵan.
Qaraǵandy polıtehnıkalyq kolejin sarapshy-mehanık mamandyǵy boıynsha támamdaǵan.
Tótenshe jaǵdaılar mınıstrligi Astana qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti №10 órt sóndirý bóliminiń bólimshe komandıri qyzmetine 2021 jyly taǵaıyndalǵan.
Osyǵan deıin Astanada kópqabatty úıden órt shyǵyp, 3 adamnyń aýrýhanaǵa túskenin jazdyq.
Sondaı-aq Astanada 3 adamdy qutqarǵan órt sóndirýshi 80% kúıikpen jansaqtaý bóliminde jatqany týraly habarlandy.