Turǵyn úı baǵdarlamasyna qatysýǵa 750 qujat qabyldanǵan
Almaty oblysynda «Alataý jastary» baǵdarlamasy boıynsha baspanaǵa ótinish berýshiler sany artyp keledi, dep habarlaıdy Almaty-akshamy.kz «Habar 24» telearnasyna silteme jasap.
Qazirdiń ózinde 1,5 myńnan astam aryz tirkelgen. Alaıda olardyń teń jartysy qarastyrylmaıdy. Óıtkeni baǵdarlama sharty boıynsha ótinish berýshi Almaty oblysynda keminde bir jyl turyp, jumys isteýi kerek. Jeńildetilgen nesıe kólemi 10 mln teńgeni quraıdy. Osy somaǵa jastardyń oblys ortalyǵynan nemese kez kelgen aýdannan úı alýyna bolady. Baspanaly bolsam degen úmitker kóp. Turǵyn úı baǵdarlamasyna qatysýǵa 750 qujat qabyldanǵan. Biraq baǵdarlama boıynsha tek 60 jas otbasyn ǵana nesıeleý qarastyrylǵan.
Sondyqtan ár úmitkerdiń turǵylyqty mekenjaıy, jumys orny, tólem qabileti, otbasy jaǵdaıy qarastyrylyp, balmen baǵalanady. Turǵyn úı baǵdarlamasy sharttarymen Almaty oblystyq ishki saıasat basqarmasynyń resmı saıtynda tanysýǵa bolady. Ótinish 1 jeltoqsanǵa deıin qabyldanady.
«Turǵyn úıge kezekte turǵan jastar, úı alamyn degen kandıdattar olar 19 jylǵa deıin nesıeni uzartýǵa múmkindikteri bar. Bastapqy jarna 0%, jaldyq paıyzy – 5%. Odan keıin 19 jylǵa deıin uzartyp, nesıeni jabý múmkindikteri bar», - deıdi oblystyq İshki saıasat basqarmasynyń bas mamany Ulan Boranbaıuly.