Búgin Dúnıejúzilik shala týǵan náresteler kúni atap ótildi
Osy merekege baılanysty Almaty qalasynyń perzenthanalarynda saltanatty is-sharalar ótti, onda bir kezderi shala týǵan balalary bar otbasylar shaqyryldy, dep habarlaıdy Almaty-akshamy.kz QDSB baspasóz qyzmetine silteme jasap.
– Búgin bizdi Perınatologıa jáne balalar kardıohırýrgıasy ortalyǵyna shaqyrdy. Men qyzymdy júktiliktiń 25-aptasynda dúnıege ákeldim, onyń salmaǵy 527 gram boldy, jaǵdaı óte qıyn boldy, -dep bir jyl ótse de, kózine jas alyp esine alady Merýert Súleımenova. - Men munda ekinshi balamdy da - ulymdy bosandym, ókinishke qaraı, onyń salmaǵy 900 gram boldy. Osy jaǵdaıdyń bári meniń basymnan ótkenine áli de sene alar emespin. Biraq dárigerlerdiń arqasynda biz barlyq qıynshylyqty jeńe aldyq. 3 aı boıy jansaqtaý bólimshesinde, taǵy eki aı patologıa bólimshesinde dárigerlerdiń baqylaýynda boldyq. Qazir balalarymnyń jaǵdaıy, densaýlyǵy bári jaqsy, tfý tfý tfý…
Perınatologıa jáne balalar kardıohırýrgıasy ortalyǵynyń pasıenti Aıgúl Úksikbaeva da óz pikirimen bólisti:
– Birneshe jyl ótse de balamnyń ómiri úshin kúresken árbir kún áli esimde. Men júktiliktiń altynshy aıynda bosaný merziminen buryn bastaldy.
Ulymdy júktiliktiń 24-aptasynda dúnıege ákeldim, onyń salmaǵy 680 gram boldy. Merziminen buryn týǵandyqtan, 24-aptada onyń ishki qurylymy tolyq damymaǵan edi. Ol ózdiginen dem ala almady jáne ony birden reanımasıaǵa alyp ketti. Ulym ekeýmiz perzenthanadan dál úsh aıdan keıin shyqtyq. Osyndaı qıyn kezeńde balamdy qutqarý úshin qoldan kelgenniń bárin jasaǵan barlyq dárigerler men medbıkelerge alǵys aıtqym keledi, - deıdi ol.
Almaty qalasynyń №2 qalalyq perzenthanasynyń pasıenti Nazgúl Orynbaeva:
– Men de ulymdy merziminen buryn bosandym. 10 kún boıy akýsher, neonatolog jáne anestezıolog mamandar jansaqtaý bólimshesinde balanyń ómiri úshin kúresti, tórt kún boıy tynys alý joldaryndaǵy turaqty oń aýa qysymy apparatynda boldy. Sodan keıin bizdi odan ári kútim jasaý úshin neonatologıa bólimshesine aýystyryp, onda men sábıimmen birge boldym. Kún saıyn ulym salmaq qosyp otyrdy. №2 qalalyq perzenthananyń dárigerleriniń úılesimdi jumysynyń arqasynda meniń balamnyń jaǵdaıy qalypqa keldi. Búginde balam 1,5 jasta. Men dárigerlerge shyn júrekten rızashylyǵymdy bildiremin, – dedi balanyń anasy.
Almatynyń shtattan tys bas pedıatr-neonatology, Perınatologıa jáne balalar kardıohırýrgıasy ortalyǵynyń bas dárigeriniń orynbasary Elena Plýjnıkovanyń aıtýynsha, eger bala júktiliktiń 37-aptasyna deıin týǵan bolsa, shala týǵan bolyp sanalady.
Merziminen buryn bosanýdyń sebepteri áıelde sozylmaly somatıkalyq patologıanyń, óndiristegi jaman
ádetterdiń nemese kásiptik zıandylyqtyń, anada jatyrishilik ınfeksıanyń bolýymen baılanysty bolýy múmkin. Sebebin anyqtaý múmkin bolmaıtyn kezder de bolady.
«Statısıka boıynsha Almatyda shamamen árbir 12-bala shala týady. Jyl saıyn megapolıste 37 aptaǵa deıingi merzimde 5 myńǵa jýyq bala týady, olardyń 250 - den astamynyń dene salmaǵy óte tómen - 1000 gramǵa deıin», – dep atap ótti Elena Plýjnıkova.
Barlyq shala týǵan náresteler arasynda dene salmaǵy óte tómen (1 kg-nan az) balalarda densaýlyqtyń erekshe qıyndyqtary baıqalady.
«Mundaı balalardy kútý úshin kúrdeli jabdyqtar, qymbat dári-dármekter, joǵary bilikti medısınalyq qyzmetkerler jáne, árıne, ata-ananyń sheksiz súıispenshiligi men shydamdylyǵy qajet. Shala týǵan nárestelerdi kútý naqty, joǵary tehnologıalyq jáne eń qarqyndy kútimdi qajet etedi. Sonymen qatar, shala týǵan náresteniń týýy tek materıaldyq jáne fızıkalyq qoldaýdy ǵana emes, sonymen birge psıhologıalyq kómekti de qajet etetin ata-analar úshin eń aýyr stress bolyp tabylady, óıtkeni shala týǵan balalardy kútý jáne tárbıeleý tek dárigerlerden ǵana emes, ata-analardan da erekshe bilimdi, daǵdylardy, shydamdylyqty, tabandylyq pen jaýapkershilikti talap etedi», – dep maman óz pikirin bildirdi.
Aıta ketý kerek, Almatyda analar men balalarǵa perınataldyq kómek kórsetý júıesi naqty jáne úılesimdi jumys isteıdi, sonyń arqasynda shala týǵan balalardy kútý, emdeý jáne ońaltýdyń neǵurlym progresıvti ádisterin ýaqtyly jáne zamanaýı qoldaný 1,5-2 jasqa deıin óz qatarlastaryn qýyp jetýge múmkindik beredi.