Qurylym ulttyq qaýipsizdikti qamtamasyz etý júıesinde asa mańyzdy ról atqardy.
Prezıdent Memlekettik kúzet qyzmetiniń 30 jyldyǵyna arnalǵan saltanatty is-sharaǵa qatysyp, sala qyzmetkerlerin quttyqtady, dep habarlaıdy Almaty-akshamy.kz
Qasym-Jomart Toqaev Memlekettik kúzet qyzmetiniń túrli syn-qaterler men qaýipterge der kezinde tótep berý múmkindiginiń zor ekenin atap ótip, bul qurylymnyń ulttyq qaýipsizdikti qamtamasyz etý júıesinde asa mańyzdy ról atqaratynyn, kúzet qyzmetkerlerine aıryqsha jaýapkershilik júkteletinin aıtty.
«Memlekettik kúzet qyzmeti – erekshe qurylym. Sondyqtan oǵan qoıylatyn talap ta árqashan joǵary bolmaq. Sizder júktelgen mindetti shuǵyl ári tıimdi atqarady dep senemin. Minsiz qyzmetterińiz úshin barshańyzǵa shynaıy rızashylyǵymdy bildiremin», – dedi Prezıdent.
Jıyn sońynda Memleket basshysy sala qyzmetkerleriniń eńbegine tabys tilep, birqataryn memlekettik nagradalarmen marapattady.